اسلام آباد – 26 – مئي (اي پي پي) صدر ڊاڪٽر عارف علوي پاران ڌيان ڇڪرائڻ تي سول ايوي ايشن اٿارٽي معذور ماڻهن کان وهيل چيئر جا پئسا وصول ڪرڻ جي معاملي تي ايئر لائينز کي تنبيهه جاري ڪري ڇڏي. سول ايوي ايشن اٿارٽي قرار ڏنو ته ايئر لائينز ڪنهن به معذور يا ضعيف مسافر کان وهيل چيئر جي سهولت جا پئسا وصول نه ٿي ڪري سگهي. ايوان صدر جي پريس ونگ موجب صدر سوشل ميڊيا تي ايئر لائينز پاران خصوصي ماڻهن کان وهيل چيئر جا پئسا وصول ڪرڻ جي خبر جو نوٽيس ورتو هو. ايوان صدر پنهنجي خط ۾ اٿارٽي کان وهيل چيئر جا پئسا معاف ڪرائڻ يا ايئر لائينز کان خرچ برداشت ڪرائن جو چيو هو.
