پېښور01 جون (اے پی پی)د خېبرپښتونخوا د جماعت اسلامي امير سناتور مشتاق احمد خان د جماعت اسلامي د كوز دير دوو قامي او پنځو صوبائي اسمبلو حلقو لپاره د كانديدانو نامې اعلان كړی دي ۔تيمره ګرې پرېس كلب كښې د جماعت اسلامي دوهم امير مولانا اسد الله٬د صوبې دوهم امير نورالحق٬ضلعي عمومي سېكتر مشرف شاه جهان٬ضلعي ناظم محمد رسول خان٬د كانديدانو سره خبري كنفرنس ته صوبائي امير مشتاق احمد خان د كوز دير دوه قامي چوكو اېن اے 6 لپاره د ضلعي امير مولانا اسد الله او په اېن اے 7 د جماعت اسلامي پاكستان امير سناتور سراج الحق نامې اعلان كړې دي ۔دې سره سره د صوبائي اسمبلۍ په پنځو چوكو پي كے 13 شاد نواز خان٬پي كے 14 ډاكټر ذاكر الله خان٬پي كے 15 د خزانې پخوانې وزير مظفر سېد٬پي كے 16 اعزاز الملك افكاري٬پي كے 17 سيد ګل د جماعت اسلامي او متحده مجلس عمل كانديدان وي۔خبري كنفرنس ته په خپل خطاب كښې سناتور مشتاق احمد خان وئيل پارلماني نظام پنځه كاله پوره كړي كومه چې د خوشحالۍ خبره ده او دا د جمهوريت استحكام پلو ښه پیشرفت دے۔ده ووئيل جماعت اسلامي ټولې نامزدګۍ په سپيځلې ډول د كارمندانو په مشاورت كړې۔ده ووئيل جماعت اسلامي په كوز دير كښې تر ټولو مقبول ګوند دے۔ده ووئيل ټول ټاكنو كښې به د كوز دير په دوو قامي او پنځو صوبائي چوكو جماعت اسلامي كلين سويپ كوي
