اسلام آباد 15 جون (اے پي پي) د ټاكنو كميسون د كال 2018م راتلونكو ټولټاكنو لپاره د اخلاقو ضابطه جاري كړه۔ د اخلاقو ضابطه سياسي ګوندونو٬ كانديدانو٬ انتخابي اېجنټانو او پولنګ اېجنټانو په اړه ده۔ د كميسون چارواكو له مخې د اخلاقو ضابطې له مخې د سياسي ګوندونو كانديدان او انتخابي ايجنټان به د خلقو د آزادې او حقونو خيال ساتي د كومو چې په آئين او قانون كښې ضمانت وركړے شوے۔ د اخلاقو ضابطه له مخې سياسي ګوندونه به سړو او ښځو دواړو ته په انتخابي عمل كښې برخه اخستلو لپاره برابر موقع وركوي۔
