اسلام آباد 01 اګست (اے پي پي) سي پیك منصوبه نېغه په نېغه د 12 لكه ملازمتونو وركولو صلاحيت لري٬ د سي پيك د اوږدې مودې منصوبو له مخې به د كركيلې٬ سېلګرۍ ٬ منرل پروسېسنګ ٬ د تېلو او ګاز پشمول د خدماتو په څانګه كښې تر كال 2030 د روزګار پراخه موقعې رامخې ته وي۔ سي پېك لپاره د سنټر فار اېكسيلېنس د اوسني راپور له مخې د سړكونو درېو منصوبو او په فائبر آپټيكل پروجېكټس كښې بالترتيب 2 لكه 9 زره 674 او 820 كسانو ته د ملازمتونو موقعې ترلاسه شي او د توان پنځه پروژو لپاره 22900 او د ګوادر منصوبې لپاره 1100 نېغه په نېغه ملازمتونه پېدا شوې دي۔ راپور له مخې د سي پېك له مخې د رېلوے لائنز اپ ګرېډېشن منصوبو كښې به 14 زره 400 كسانو ته د روزګار موقعې ترلاسه شي دغسې د ګوادر سټي د يوولس نويو منصوبو د لارې به نزدې 76 زره ملازمتونو موقعې راپېدا يشي۔ د توان 16 منصوبو څخه به 50 زره 828 ملازمتونه او دغسې 9 خاص اقتصادي زونز (اېس اي زېډ) كوم چې به د هېواد په بېلا بېلو برخو كښې جوړولې شي د لس لكه نه زياتې د ملازمت موقعې پېدا كولې شي۔ راپور له مخې پاكستانيانو لپاره د سي پېك له مخې د ملازمتونو يو شمېر موقعو روښانه امكانات شته كومو لپاره چې به زياتو كسانو له تكنيكي تربيه پكار وي۔ راپور كښې دا هم وئيلې شوې د هر يو معيشت پرمختګ لپاره هنرمنده افرادي قوت ضروري دے۔
