اسلام آباد 13 اګست (اے پي پي)د پاكستان پيپلز ګوند چيئرمېن بلاول بهټو زرداري وئېلي دي په نوې پارليمان كښې د ځوانانو او غريې طبقې نمائنده يم٬د نوې حكومت څخه هيله لرم چې هغه به د قوم توقعات ترسره كړي۔د ګل په ورځ د پارلمان په غونډه كښې د سوګند پورته كولو دستورې پھ موقع”اے پي پي”سره په خبرو كښې نوې ټاكل غړي بلاول بهټو زرداري ووئيل د پارلمان او جمهوريت سرلوړۍ لپاره زمونږ قربانۍ به بې ضائع نه ځي٬زه د خپلو ووټرانو مننه كوم٬په پارلمان كښې به د ځوانانو او غريبې طبقې نمائندګي كو او د دوي د حقونو ترلاسه كولو او مسئلو حل كولو لپاره به غږ پورته كوم٬ ده ووئېل حكومت به د قام او هېواد بهترۍ لپاره قانون سازي وكړي او پيپلز ګوند به يې مرسته كوي٬د اولس حقونو خلاف ورزۍ او مسئلو په نه حل كولو پيپلز ګوند به په بشپړه توګه اسمبلۍ كښې غږ پورته كوي۔ده ووئيل د سندھ پشمول د ګرد هېواد ځوانانو نمائنده يم٬هيله لرم چې عمران خان او تحريك انصاف به ځوانانو ته د روزګار وركولو او د اولس بهترۍ لپاره كړي لوظونه تر سره كړي
