اسلام آباد 07 ستمبر (اے پي پي) د اطلاعاتو او خپرونو وفاقي وزير چوهدري فواد حسېن وئيلي دي چې حكومت د اقتصادي مشاورتي كمېټې څخه د عاطف ميا د نامزدګې بېرته اخستلو پرېكړه كړې۔ په خپل يو ټويټ كښې ده ووئيل چې د علماؤ پشمول د ټولنې ټولو طبقو سره مخ په وړاندې تلل غواړو٬ كه د كومې يوې نامزدګۍ نه مختلف تاثر پېدا كېږي نو دا مناسبه نه ده۔ ځكه حكومت د اقتصادي مشاورتي كمېټې نه د عاطف ميا د نامزدګې بېرته اخستلو پرېكړه كړې۔ وفاقي وزير په خپل ټويټ كښې ووئيل چې د وزيراعظم عمران خان آئيډيل د مدينې رياست دے۔ وزيراعظم او د كابينې غړي عاشقان رسول دي۔ ده ووئيل چې ختم نبوت زمونږ د ايمان برخه ده او په دې وروستيو كښې د سپكاوي د خاكو په معامله چې حكومت كومه كاميابي ترلاسه كړې ده٬ هغه هم د دې نسبت څرګندونه ده۔
