اسلام آباد 20 ستمبر (اے پی پی) وزیراعظم عمران خان وئيلي دي چې پاکستان به په هر سخت وخت كښې د سعودی عرب سره ولاړ وي، پاکستان به كوم هم بل هېواد په سعودی عرب بريد كولو ته پري نه ږدي۔ سعودی ګزټ سره خپله يوه مركه كښې د حوثی ياغیانو بروندونه كوم چې پرله پسې په سعودی عرب توغندي وروي او تر دې چې د حرم په نښه كولو هم هڅه كوي په اړه د پوښتنې په ځواب وزیر اعظم عمران خان ووئيل‘‘دا زمونږ د ټولو حکومتونو ښكاره مؤقف دې چې چا له به هم په سعودی عرب د بريد اجازه ور نه كړې شي بلکه مونږ به تل له د سعودی عرب سره ولاړ يو’’ ۔ د مينځني ختيز شخړے په اړه وزیر اعظم عمران خان ووئيل د اسلامي هېوادونو ترمينځه په شخړو دړديږو او پاکستان به اسلامي نړۍ يو بل په رانزدې كولو كښې مصالحتی کردار ترسره كوي خو عمران خان په دې خبره زور راوړلو سره ووئيل چې مونږ د شخړو په پوځي حل باور نه لرو او دا ګڼو چې د ټولې شخړې په سیاسی ډول حل كېږي۔ ده ووئيل د یمن شخړه كښې مثبت کردار ترسره كيدې شي۔ د سعودی عرب سره د اړيكو په اړه وزیراعظم عمران خان ووئيل د سعودی عرب حکومت په هر سخت وخت كښې د پاکستان سره مرسته كړې۔سعودی عرب تل زمونږ بشپړه مرسته كړې او سعودی عرب سره خاص اړيكې لرو۔ د پاکستان اولس سعودی عرب يو محفوظ او سوكاله هېواد ليدل غواړي۔ د وزیر اعظم په حيث خپلې وړومبنۍ غیر ملکی دورې لپاره د سعودی عرب په انتخاب د پوښتنې په ځواب عمران خان ووئيل ټولو مسلمانانو په زړونو كښې سعودی عرب خاص مقام لري او هم دغه وجه ه چې هر د يو مسلمان لارښود د مکې او مدینې دورہ يو فطری عمل دې۔ده ووئيل زه د خادم الحرمېن الشریفېن په خاص بلنه سعودی عرب ته راغلې يم او د يو مسلمان مشر په حيث د مکې او مدینې دورہ زما لپاره ضروری وه۔د خپل نوې پاکستان په وژن خبرو كښې ده ووئيل زمونږ د تګلارې مقصد غريبي او بدعنوانی ختمول ،بشري وسائلو كښې سرمایه کاری او د قوي ادارو جوړول دي۔ده ووئيل پاکستان يو داسې فلاحی ریاست جوړول زما خواب دې چې پكښې انصاف او میرټ وي۔ وزیر اعظم عمران خان د سعودی عرب د بدعنوانۍ مخنيوي كمپائن ستائلو سره ووئيل بدعنوانی په هېوادونو كښې د غريبۍ لوي سبب دې۔ده ووئيل زمونږ حكومت په هېواد كښې د بد عنوانۍ مخنيوي يو لوئ كمپائن پيل كړې۔
