اسلام آباد 20 نومبر (اے پي پي) د وزيراعظم د هېلت پروګرام له مخې ټول هېواد كښې د څلور لكه 74 زره كورنيو علاج شوې۔د پروګرام له مخې يو لك يو زر كسان په روغتونونو كښې داخل شوي چرته چې د دوي د اوپن هارټ سرجرۍ نه واخله تر معمولي ناروغۍ علاج شوې۔د روغتيا وزارت ذريعو له مخې د ټول هېواد په 38 ضلعو كښې 32 لكه كورنيو ته د دې پروګرام له مخې د روغتيا په اړه تحفظ وركړې شوې۔په وړومبي پړاؤ كښې د ټول هېواد څخه 153 روغتونونه په پينل اخستې شوي چرته چې تر درېو لكه روپو د ابتدائي علاج آسانې وې۔په دوهم پړاؤ كښې 7 د ګران علاج اسانۍ په پروګرام كښې شاملې كړې شوې۔دا پروګرام د جنورۍ په وړومبۍ نېټھ كال 2016م كښې د اسلام آباد نه پېل شوې و۔د پاكستان سټېټ لائف انشورنس كارپورېشن 32 لكه كورنۍ د روغتيا په انشورنس كښې شاملې كړې ۔د اكتوبر تر 30مه نېټې كال 2018م وفاقي او صوبائي حكومتونو د وزيراعظم د روغتيا پروګرام لپاره 4.9 اربه روپۍ سټېټ لائف له وركړې دي۔
