اسلام آباد ۔ 18 جنوری (اے پی پی)وزیراعظم عمران خان د پاك پاک چین اقتصادی راهدارۍ ترسېوري لاندې په روانو منصوبو د كار تندولو په حاجت زور راوړلو سره وئيلي دي د سي پېك منصوبو زر تر زره ترسره كېدل د هېواد په ګټه دي۔ دې سره به د اولس لپاره پراخه سماجي او اقتصادي موقعې رامخې ته شي۔ ده دا خبره د جمعې په ورځ سي پېك منصوبو د پېشرفت جاج غونډې مشري كولو په مهال وكړه۔ غونډه كښې په صنعتي پرمختګ ٬ خاص اقتصادي زونز ٬ اېم اېل – 1 منصوبه ٬ كركيلې ٬ سماجي او اقتصادي پرمختګ ، بنیادی اډانه او د ګوادر پرمختګ په بېلو څانګو كښې د پاك چين دوه اړخيزه مرستې د پېشرفت جاج واخستې شو۔ وزیراعظم ووئيل پاكستان اولس د بې وزلې پنجې څخه ويستلو له د چين تجربې څخه استفاده كولې شي۔ ده ووئيل د صنعت او كركيلې څانګو كښې پاک۔چین مرسته د هېواد دې څانګو صلاحيت عملي كولو له مرستياله ثابتېدې شي۔ وزیراعظم د سرمايه كارۍ بورډ چيئرمېن ته امر وكړو چې د خصوصي اقتصادي زونز زر تر زره پرمختګ له بشپړه سفارشات څلورو اوونيو كښې وړاندې كړې شي۔ غونډه كښې پرېكړه وكړې شوه چې سي پېك اېډوائزري كونسل به جوړ كړې شي۔ غونډه كښې ووئيل شول چې د سي پېك په دوهم پړاؤ كښې به صنعتي مرستې ته خاص پام لرنه كولې شي۔ وزیراعظم د سرمايه كارۍ بورډ چيئرمېن ته هدايت وكړو چې په دې پړاؤ كښې مخ په وړاندې تللو سره خپل كردار ترسره كړي ولې چې د چين لخوا د ډېرې زياتې نجي سرمايه كارۍ امكان دے
