كراچي 30 نومبر (اے پي پي)د پاكستان پيپلز پارټي چيئرمېن او خارجه وزير بلاول بهټو زرداري وئېلي دي د كراچۍ اولس٬تنظيم او عهيدارو په نشتر پارك كښې په كاميابه جلسه كولو زمونږ زړه ګټلے دے٬مونږ د سيلاب د زيان په سبب د تاسيس ورځ د يو ځاې په وجه په ضلعي هېډكوارټر كښې د لمانځلو پريكړه كړې۔د پاكستان مېډيا او په خاص توګه د كراچۍ مېډيا ته وئېل غواړم چې دا نشتر پارك د جيالو او د كراچۍ اولس څخه ډك دے ٬انشاﺀ هم د دې ښار به يو جيالا راتلونكے د كراچۍ ميئر جوړېږي۔د دې خيالاتو خرګندونه ده د شورو په ورځ د پيپلز پارټۍ د 55مې تاسيس ورځې په موقع په نشتر پارك كراچۍ كښې د كراچۍ ډويژن له مخې راجوړې كړې اولسي جلسې ته د وېنا كولو په مهاله وكړه۔غونډې ته د سندھ وزيراعلٰی سيد مراد علي شاه٬د پيپلز پارټي د سندھ صدر سېنېټر نثار احمد كهوړو٬جنرل سېكرټري وقار مهدي٬صوبائي وزير سعيد غني او نورو هم وېنا وكړه۔په دې موقع د پيپلز ګوند لارښود شيري رحمان٬ميا رضا رباني٬سيد قائم علي شاه نه علاوه صوبائي وزيران٬د قامي اسمبلۍ او صوبائي اسمبلۍ غړي٬سېنېټرز٬د پارټۍ مركزي٬د صوبائي ٬ ډويژڼل٬ضلعي عهديداران هم موجود وو۔بلاول بهټو زرداري ووئيل د كراچۍ ميئر منتخب كول زمونږ حق دے او مونږ به د كراچۍ د اولس خذمت كوو۔ده ووئيل زه د ګلګت او د كشمير خلقو ته مخاطب يم چې هغوي په بلدياتي ټاكنو كښې عمران خان ته ماتې وركولو سره پيپلز پارټي ته په بلدياتي ټاكنو كښې كاميابي وركړې۔بلاول بهټو زرداري ووئيل مونږ د جيئے بهټو نعره وهلو سره يو دوه نه د درېو آمرانو مقابله كړې۔ده ووئيل پيپلز پارټي د كركې سياست نه د هيلو په سياست باور لري٬مونږ د يووالي په سياست باور لرو۔ده ووئيل پيپلز پارټي دا هېواد رايو ځاے كوي او د څلورو صوبو زنځير دے۔ده ووئيل كله چې بهټو شهيد 55 كاله وړاندې د دې ګوند بېرغ هسك كړو نو د دې هېواد او قام قيادت ئې سنبهال كړو ۔ده ووئيل بهټو هېواد له وړومبے آئين وركړے٬آئيني حقونه ئې وركړي۔
