اسلام آباد 17 اګست (اے پي پي) خارجه وزير شاه محمود قرېشي اعلان كړے چې په خارجه وزارت كښې يو كشمير سېل جوړٶ٬ مونږ پرېكړه كړې ده چې په مهمو پايه تختونو كښې به د پاكستان په سفارتونو كښې فوكل فرسن ټاكلې شي٬ د وزيراعظم كشمير لپاره په خاص كمېټۍ كښې د ټولو ګوندونو نمائندګي وه٬د يوالي پېغام چې مونږ په مظفر آباد كښې وركړې هم ھغه پېغام مو د كشمير كمېټۍ په غونډه كښې وركړې دې٬ تېره ورځ د كشمير كشاله د نړۍ په لوي فورم پورته كړې شوې٬ چرته چې د كشمير پحقله 11 قراردادونه موجود دي٬ كمېټي په دې خبره متفق ده چې مودي سركاري د نهرو فلسفه ښخه كړې ده٬ اوس د هند په لائحه كښې مودي ٬ اميت شاه او دېول درې ښكاره كردارونه دي٬ نړيوالې ميډيا په ښكاره او د حق او رښتياٶ ملګرتيا كړې ده٬ دوي سره د روابطو په اړه هم اوږد مشاورت شوې دې٬ كمېټي دې نتيجې ته رسېدلې ده چې عېن ممكن ده چې هند پام اخوا كولو لپاره د دروغو عمليات وكړي ٬ مونږ د وړاندې نه مطلع كول غواړو چې پرېكړه شوې ده چې مونږ له به لابنګ لپاره هڅې ګړندې كول وي۔ د دې خيالاتو څرګندونه ده د خالي په ورځ په خارجه وزارت كښې شريك خبري كنفرنس ته خپلې وېنا وكړه چې پكښې د وزيراعظم د اطلاعاتو او خپرونو خاص مرستيالې ډاكټر فردوس عاشق اعوان، كشمير لپاره د پارلماني كمېټۍ چيئرمېن سيد فخر امام او د پاك پوځ د آئي اېس پي ار ډائرېكټر جنرل مېجر جنرال آصف غفور هم ګډون وكړو۔ خارجه وزير ووئيل كشمير لپاره د وزيراعظم د خاص كمېټۍ غونډه شوې چې پكښې ټولو ګوندونو نمائندګي وه او ټولو په متفقه توګه د دې يوالي څرګندونې پېغام وركړې كوم چې مونږ په آزاد جمو او كشمير كښې وركړې وه ۔ ده ووئيل پارلمان په مقبوضه جمو و كشمير د مشتركه قرارداد منظورولو نه پس وزيراعظم دا خاص كمېټي جوړه كړې وه چې پكښې د مخالفې ډلې هم بشپړه نمائندګي ده۔ خارجه وزير ووئيل تېره ورځ د ملګرو ملتونو په سلامتي كونسل كښې د پاكستان په غوښتنه د كشميرپه مسئلې بند كمره سېشن راوبللې شو او د هند د بشپړه مخالفت باوجود د سلامتي كونسل غونډه وشوه چې كښې د ملګرو ملتونو د عمومي سېكتر بيان هم تر نظر لاندې ساتلې شوې۔ ده ووئيل د سلامتي كونسل غونډې سره هند ويخ شوې خو دا اوږد جنګ دې دې لپاره به مونږ له تياري كول وي۔ خارجه وزير ووئيلد پاكستان خط ته اهميت وركړې شوې او د هند غوښتنه رد كړې شوې او د سلامتي كونسل غونډه شوې٬ د پاکستان او کشمير مشرانو د هند يو اړخيزه اقدام رد كړې دې۔ خارجه وزير د خارجه سېكتر او په ملګرو ملتونو كښې د خپلې ډلې او مستقل استازې مليحه لودھي ته په دې سفارتي كاميابۍ مباركي وړاندې كړې۔ ده ووئيل نن په هند كښې دننه 200 نزدې نوموړو كسانو پېټېشن په سپريم كورټ كښې داخل كړې دې چې دا پرېكړه دې بېرته واخستې شي٬ مونږ په ټولو اړخونو غور كړې دې٬ د انصاف نړيوال عدالت پحقله هم مشاورت شوې دې٬ اټارني جنرل او د قانون وزير به په دې مونږ له تجويزونه راكوي۔ ده ووئيل دا تجويزونه به د وزيراعظم او کابينې ته وړاندې كولې شي او د دې به منظوري اخستلې شي۔ شاه محمود قرېشي ووئيل چې د چا دماغ خراب شي نو ھغه د هند د دفاع وزير غوندې بيانونه وركوي٬ زمكيز حقائقو ته نړۍ د تشويش په نظر ګوري٬ د بشري حقونو تنظيمونو او او آئي سي د كوفيو پورته كولو غوښتنه كړې ده۔ ده ووئيل د بشري حقونو معامله دوه اړخيزه نه ده ٬ دا د ضمير غږ دے٬ د نړۍ په دې لړ غلې پاتې كېدل به مجرمانه غفلت وي٬ پاكستان 370 ارټيكل ته كله هم اهميت نه دې وركړې مونږ مستقل حل ته حاجت لرو د كومې چې هند د سلامتي كونسل د قراردادونو له مخې پابند دې۔ خارجه وزير ووئيل هند څوك چې آبادياتي تناسب د بدلولو هڅې كوي٬ په دې مونږ دا رائے لرو٬ مونږ سره آپشنز موجود دي٬ دا وړومبې قدم ٶ دا ګفتن نشستن برخاستن نه ٶ۔ ده ووئيل د پاكستان د ميډيا كردار ته پېرزونئې وړاندې كووم۔ ده ووئيل هندي ميډيا په ستراتېژك انټرسټ يوه رائے لري د پاكستان ميډيا څخه هم دغه توقع لرو٬ قام له د مير جعفر او مير صادق نه هوښيار پاتې كېدو ته اړتيا ده ۔ خارجه وزير ووئيل وزيراعظم عمران خان دې خاص كمېټۍ ته د مشاورت اختيار وركړې دې دغسې چې بيا لپاره لائحه عمل جوړ كړې شي ۔ شاه محمود قرېشي وئيلي دي چې په مقبوضه جموں و کشمير كښې د جمعې په ورځ هم كرفيو وه خو د دې باوجود كشميري اولس د جمعې لمونځ لپاره بهر وتلې ٶ٬ جوماتونو ته تالې لګولې شوې وې او اولس په مېدان كښې د جمعې لمونځ ادا كړې دې٬ دا هند لپاره يوازې يوه څيره وه۔ خارجه وزير ووئيل د خارجه وزارت لخوا اعلان كوم چې دلته كشمير سېل جوړٶ دغسې چې د دې بشپړه ډهانچه جوړه كړې شي ۔ ۔ ده ووئيل مونږ په ټول صورتحال نظر ساتلې دې٬ د دې يو سياسي او بل عسكري اړخ دے ٬ تېره ورځ پد ملګرو ملتونو په سلامتي كونسل كښې دومره لوے پېشرفت شوې دې چې چا ته ئې اندازه هم نه وه٬ چې كه يو لوے طاقت خنډ جوړ شي نو د سلامتي كونسل غونډه نشي كېدېژ د آئي اېس پي آر ډائرېكټر جنرل مېجر جنرال آصف غفور ووئيل مقبوضه کشمير كښې هر كور هند محصور كړې دې٬ مونږ اندېښنه لرو چې هند پام اخوا كولو لپاره د دروغو عمليات كولې شي٬ ٬ د پاكستان وسله وال ځواكونه چمتو دي او هند ته به بشپړه ځواب وركولې شي۔ ده ووئيل د هند په مقبوضه کشمير كښې 9 لکھ عسكر موجود دي٬ هند د بشري حقونو سنګين خلاف ورزۍ كوي چې ورته ګرده نړۍ نظر كوي۔ ده ووئيل پاكستان د هند لخوا لخوا د لائن آف كنټرول د خلاف ورزيو تورونه رد كوي۔ ده ووئيل د كشمير كشاله د هند او پاكستان ترمېنځه متنازع مسئله ده٬ نړۍ له دې ته كتنه پكار ده كله چې دوه اتومي طاقتونو ترمېنځه تاٶ تريخوالې زيات شي نو د دې به كوم زيانونه رامخې ته كېږي۔ د آئي اېس پي آر ډائرېكټر جنرل ووئيل زمونږ په لويديزو پولو معاملې روانې دي په دې حالاتو كښې مونږ په ختيزه پوله په اړي ګړي نظر ساتلې دې كومو اقداماتو ته چې به اړتيا وي مونږ به ھغه خامخه كوٶ۔ ده ووئيل بايد تاسو ټول د خپلو وسله والو ځواكونو په صلاحيتونو بشپړه اعتماد وكړې۔ د آئي اېس پي آر ډي جي ووئيل د پاكستان د وسله والو ځواكونو د صلاحتونو څرګندونه تاسو د دې نه وړاندې كتلې ده ستاسو په مرسته د پاكستان ځواكونه د ځواب وركولو اهليت او ول هم لري٬ په سوشل ميډيا نظر ساتو د دې پرېكړه په تاسو پرېږدم۔
